إزاي أقدر أسامح بجد… لو جرحي متكرر؟
كان يسوع قاعد مع تلاميذه، بيعلمهم عن ملكوت الله… عن حياة مختلفة تمامًا.
وقال لهم حاجة قلبت الموازين:
“لو أخوك غلط فيك واعتذر… سامحه.”
مش مرة ولا اتنين… لكن سبع مرات في اليوم!
يعني لو نفس الشخص يغلط فـ حقي 7 مرات في نفس اليوم؟ المطلوب مني إني أسامحه؟
التلاميذ اتصدموا… وما قدروش يردوا غير بجملة واحدة:
“زِد إيماننا يا رب.”
وكأنهم بيقولوا: “دي حاجة أكبر مننا… إدينا قلب يسامح زي قلبك، لأن لو علينا… مش هنعرف.”
لكن يسوع رد رد غير متوقَّع.
ماقالهمش: “ماشي، هديكم إيمان زيادة.”
لكن قال: “لو عندكم إيمان قد حبّة خردل، تقدروا تقولوا للجبل: اتحرك! هيتحرك.”
يعني الموضوع مش إن الإيمان لازم يبقى كبير، لكن إن القلب يكون واثق بجد.
لوقا ١٧ : ٣ – ٦
No comment