بتحب قريبك فعلاً زي نفسك… ولا زي ما يناسبك؟
تخيّل كنيسة…
يدخل واحد لابس شيك، إيده مليانة دهب، وريحته كويسه.
الناس جريت عليه وقالوله: “اتفضل هنا… الصف الأول ليك.”
وبعده على طول يدخل واحد فقير… هدومه بسيطة ومش نضيفه، وريحتها مش حلوة.
يقولوله: “اقف على الجنب… أو اقعد تحت رجلينا.”
المنظر ده مش قصة من الخيال… ده اللي يعقوب حذر منه.
لما نفضّل واحد على واحد علشان شكله أو لبسه،
إحنا بنتحوّل لقضاة أشرار…
مش أولاد لله.
يعقوب رجّعنا للوصية اللي قالها يسوع:
“تحب قريبك كنفسك.”
قريبك مش بس اللي شبهك، أو اللي مريحك…
لكن المختلف عنك،
اللي محتاج،
واللي مش محسوب،
واللي بتعدي جنبه ومابتسلّمش عليه.
الرب بيقولك بوضوح: “حبه زي ما بتحب نفسك.”
والتحذير الصادم هو:
حتى لو حافظت على كل الوصايا…
لكن كسرت واحدة،
فكأنك كسرتهم كلهم.
يعقوب (2 : 1 – 12)
No comment