أوقات كتير السبب في العاصفة مش الظروف… لكن إحنا!
زي ما كلنا عارفين، يونان حاول يهرب من دعوة ربنا.
وبدل ما يواجه الأمر، قرر يركب سفينة ويبعد.
وفي وسط الرحلة، قامت عاصفة قوية جدًا، والريح بقت شديدة لدرجة إن الناس اللي في السفينة خافوا يموتوا.
والغريب إن يونان في الوقت ده كان نايم!
فالناس صحّوه وقالوله: “قوم! صلي لإلهك.”
وبعدها قرروا يعملوا قرعة علشان يعرفوا مين السبب في اللي بيحصل، ووقعت القرعة على يونان.
بدأوا يسألوه: “إنت مين؟ جاي منين؟ وليه كل ده حصل بسببك؟”
فقالهم إنه بيهرب من ربنا، وإنه السبب في العاصفة.
فسألوه: “طب نعمل إيه علشان الأمور تهدى؟”
فقال لهم بهدوء: “ارموني في البحر.”
وفعلًا، لما رموه في البحر… حصلت المفاجأة! البحر هدي تمامًا، والريح وقفت، وكل حاجة رجعت زي ما كانت.
يونان ١ : ٥ – ١٥
No comment