مستعد تاخد القرار اللي هيغير حياتك للأبد؟
يسوع قال كلام يوقفنا مع نفسنا ويدينا فرصة نتأمل:
اللي فاكر إنه يقدر يخلّص نفسه…
يعني يعيش لنفسه، لشهواته، لجسده، ويعيش للعالم بس…
هو في الحقيقة بيهلك نفسه، وبيخسر أعظم حاجة: أبديته.
لكن يسوع كمل وقال:
“اللي يهلك نفسه من أجلي ومن أجل إنجيل الملكوت هو اللي هيخلصها.”
يعني اللي مستعد يضحّي بحاجات وقتية، ويعيش بإيمان وتسليم كامل لي…
ده اللي يضمن أبديته معاه للأبد.
وسألهم سؤال عميق جدًا:
“إيه فايدة إنك تكسب العالم كله وتخسر نفسك؟”
المعنى واضح: ممكن تجري ورا شهوات العالم ومتعه الحياة…
لكن لو ضيّعت أبديتك في الآخر… كل ده هيضيع وينتهي.
الحاجات اللي بنجري وراها دلوقتي:
المال… الشهوات
النجاحات المرتبطة بالدنيا بس.
كل ده وقتي… لكن أبديتنا هي اللي باقية.
والقرار اللي كل واحد فينا لازم ياخده النهارده:
هتعيش لنفسك وشهواتك…
ولا هتعيش ليسوع وتضمن حياتك الأبدية؟
القرار بين إيديك.
لوقا (9:24-25)
No comment