تفتكر لو ربنا قالك: “سيب أمانك… واتكل عليا” هتعمل إيه؟

تخيل معايا…
أنت عايش في وسط أهلك، في بيتك، وفي بلدك… وكل اللي تعرفهم حواليك.
وحياتك مستقره، وليك مكانتك.

وفجأة… تسمع صوت الله بيقولك:
“سيب أرضك، وعشريتك، وبيت أبوك… وروح لمكان أنا هقولك عليه.”

مكان؟ فين يعني؟
مش معروف.
ربنا ما قالش تفاصيل، ولا رسم خريطة، ولا حتى وعد إن الطريق هيكون سهل أو قصير.
لكن قال كلمة واحدة: “اتكل… وتعال ورايا.”

إبراهيم وقف قدام قرار مش بسيط:
هل يختار الراحة… ولا يختار الطاعة؟

وفي النهاية… قرر يطيع.
ساب بلده، وبيته، وتاريخه، ومكان أمانه.
راح ورا وعد… ماكانش ظاهر غير بالإيمان.

لكن الجميل… إن الله ما اكتفاش بالطلب.
ده وعده بالبركة:
“هعمل منك أمة عظيمة، وأباركك، وأعظم اسمك، وتكون بركة.
وتتبارك فيك كل قبائل الأرض.”

تكوين ( 12 : 1 – 4 )