لوقا (٦: ٤٦ ـ ٤٩)

الكلام ده عميق جدًا وواقعي يسوع كان بيقول: “ليه بتقولوا يا رب يا رب، وانتوا مش بتعملوا اللي بقولكم عليه؟”  كأنه بيحذرنا من إن الإيمان مش مجرد كلام، لكن هو حياة وأفعال شبه اللي بيسمع كلامه وبيعيشه بواحد قرر يبني بيته بشكل صح راح حفر الأرض بعمق، وثبت الأساسات على صخر قوي ولما حصل زلزال أو عاصفة شديدة، البيت فضل ثابت وما وقعش، لأنه متأسس كويس جدًا لكن اللي بيسمع كلامه ومش بيعيشه، بيشبه واحد تسرع وبنى بيته على الرمل، من غير ما يحفر أو يهتم بالأساس وأول ما حصلت عاصفة أو هزة، البيت وقع بكل سهولة، لأنه ماكانش فيه أساس قوي نفس الفكرة بتلمس حياتنا في ناس أساسهم قوي جدًا في علاقتهم مع ربنا، فلما تحصل تجربة أو أزمة ممكن يتأثروا شوية، لكن يفضلوا ثابتين لأن جذورهم عميقة  أما اللي علاقتهم سطحية أو كلام بس، أول ما تحصل مشكلة بسيطة، بيتكسروا بسرعة ويتعبوا بيكونوا هاشيين الخوف الحقيقي إننا نبقى زي البيوت الهشة، اللي أول ما ريح تيجي توقعها عشان كده، مهم جدًا نحفر عمق في علاقتنا مع الله، نخليها حقيقية، قوية، ومبنية على اساس الله