تفتكر إيه أغلي تقدمة عند الله؟

“أوقات اللي بتقدمه قليل جدا… لكن في عين الله بيكون كبير جدا.”

يسوع كان قاعد في الهيكل…
شايف الناس داخلة تقدّم عطاياها.
الأغنياء حطّوا مبالغ كبيرة، والكل مُنبهر بيهم…
لكن يسوع؟ عينُه كانت على واحدة بس.

أرملة فقيرة… ماشية بهدوء، محدش واخد باله منها.
هدومها بسيطة… وإيديها بترتعش.
طلعت فلسين صغيرين… أضعف عملة في الوقت ده،
( يعني حاجة لا تُذكر ماديًا ).

لكنها حطّتهم بكل قلبها.
ويسوع نادى تلاميذه بسرعة وقال لهم:
“الست دي حطت أكتر من الكل!
لأن الأغنياء حطوا من الباقي عندهم،
أما هي…فكان من أحتياجها.
قدمت كل اللي معاها!”

هي ما كانش معاها كتير،
لكن كانت أغنى واحدة بالإيمان.
ما قدمتش مبلغ كبير… لكن قدمت قلبها كله.
كان المفروض تاخد… مش تدي.
لكن إيمانها قال لها:
“باركي… حتى لو بآخر حاجه معاكي.
والله مش هيكسفك!”

لوقا ( 21 : 1 – 4 )